В Храме Рождества Христова в Вифлееме имеется уникальная икона улыбающейся Божьей Матери. Иконография: Смоленская «Одигитрия» (Путеводительница). Икона была написана в России и подарена Храму Рождества Христова царицей Елизаветой, после её исцеления от тяжелой болезни.

 Молитва Божией Матери 

Богорадованная Владычице, препрославленная Мати щедрот и человеколюбия, всемилостивая о всем мире Ходатаице! Прилежно раби Твои ко Твоему предстательству прибегаем, и ко пречудному образу Твоему со умилением, припадающе, молимся: молитву теплую Сыну Твоему и Богу нашему сотвори, о Всепетая Царице Богородице, да от всяких болезней и печалей нас Тебе ради избавит, и от грехов всяких свободив, Царствия Своего Небеснаго наследники ны покажет: велие бо и неизреченное яко Мати к Нему дерзновение имаши и вся от Него испросити можеши, Едина во веки преблагословенная.

Пресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Своя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославлена еси во веки веков. Аминь.